Кожны дашкольнік вельмі любіць казкі. Народная казка дае дзецям урокі патрыятызму і маралі. Усім сваім паэтычным ладам яна вучыць разумець народнае ўяўленне пра добрае і злое, высокае і нізкае, сумленнае і агіднае, гуманнае і жорсткае.
Менавіта казцы быў прысвечаны гэты тыдзень у ДУА “Дзіцячы сад аграгарадка Абухава”. Выхавальнікі чыталі і расказвалі дзецям казкі, арганізоўвалі драматызацыі, дашкольнікі малявалі паводле беларускіх народных казак. А сягодня у рознаўзроставай групе была наладжана выстава “Цудоўны свет беларускіх народных казак”.
